ការធានាក្រុមគ្រួសារ
Family Green Card
១. លក្ខខណ្ឌសម្រាប់ធានាកូន
IR-2: A United States citizen’s unmarried child under the age of 21
ឪពុក ឬម្តាយត្រូវមាន៖
• សញ្ជាតិអាមេរិកកាំង ឬ
• ក្រីនកាតអចិន្ត្រៃយ៍រស់នៅសហរដ្ឋអាមេរិកស្របច្បាប់
+ ជំហ៊ានទី ១ៈ រៀបចំឯកសារ
កសាររបស់អ្នកធានារួមមាន៖
• បំពេញពាក្យសុំធានាទម្រង់ I-130
• លិខិតឆ្លងដែន ឬគ្រិនកាត
• សំបុត្រកំណើតកូនដែលមានឈ្មោះឪពុកម្ដាយ
• បំពេញពាក្យសុំការជូនដំណឹងតាមសារអេឡិចត្រូនិច ទម្រង់ G-1145 (e-Notification)
+ ជំហ៊ានទី ២ៈ បញ្ជូនសំណុំឯកសារទៅ USCIS
ឯកសារទាំងអស់ខាងលើ ត្រូវបញ្ជូនទៅ USCIS និងបង់លុយថ្លៃពាក្យសុំធានាទម្រង់ I-130 ចំនួន 535$។ ក្រោយពេលមន្ត្រី USCIS ពិនិត្យរួចរាល់ បើគេយល់ស្របលើឯកសារស្នើសុំ គេនឹងបញ្ជូនសំណុំរឿងទៅមជ្ឈមណ្ឌលទិដ្ឋាការជាតិ NVC។
+ ជំហ៊ានទី ៣ៈ NVC ពិនិត្យលើសំណុំឯកសារ
• NVC នឹងពិនិត្យលើសំណុំឯកសាររបស់អ្នកនៅស្រុកខ្មែរ (អ្នកត្រូវបានគេធានា)
ក. សំបុត្រកំណើត
ខ. លិខិតឆ្លងដែន
គ. លិខិតថ្កោលទោស
ង. សំបុត្រអាពាហ៍ពិពាហ៍ (ប្រសិនបើមានកូននិងគាត់បានរៀបការ ផ្ទុយទៅវិញបើគាត់រៀបការហើយគាត់លែងលះគ្នា គាត់ត្រូវមានសំបុត្រលែងលះ) បើប្ដីឬប្រពន្ធមរណភាព ត្រូវមានសំបុត្រមរណភាព
ច. ត្រូវបំពេញទម្រង់ DS-260 (បង់$325)
ឆ. ត្រូវមានរូបថត 5*5 cm
ក្នុងដំណាក់កាលនេះលោកអ្នកត្រូវបង់ប្រាក់ 120$ សម្រាប់ពាក្យធានារ៉ាប់រងលើផ្នែកហិរញ្ញវត្ថុទម្រង់ I-864
បង់ 325$ សម្រាប់ទម្រង់ពាក្យ DS 260 (មានន័យថាធានាកូនម្នាក់បំពេញពាក្យមួយ ធានាកូនពីរបំពេញពាក្យពីរ)។
នៅពេល NVC ពិនិត្យឃើញមានថ្ងៃអាចសម្ភាសន៍បាន នោះមន្ត្រី NVC នឹងបញ្ជូនឯកសារមកស្ថានទូតស្រុកខ្មែរ
+ ជំហ៊ានទី ៤ៈ ត្រៀមលក្ខណៈដើម្បីសម្ភាសន៍
•មន្ត្រីស្ថានទូតនៅស្រុកខ្មែរអញ្ជើញសាមីខ្លួនចូលសម្ភាសន៍ក្នុងនោះមានលិខិតអញ្ជើញចូលសម្ភាសន៍ លិខិតណែនាំឲ្យចាក់ថ្នាំបង្កាជម្ងឺផ្សេងៗ ពិនិត្យសុខភាពជាដើម។
២. ទិដ្ឋាការ IR-5 សម្រាប់ឪពុកម្តាយ (១២ខែ)
ទិដ្ឋាការ IR-5 គឺជាទិដ្ឋាការនៅក្នុងប្រភេទទិដ្ឋាការសម្រាប់សាច់ញាតិបង្កើត ដែលអនុញ្ញាតឱ្យពលរដ្ឋអាមេរិកធានាឪពុកម្តាយជាខ្មែរឱ្យមករស់នៅ និងធ្វើការនៅក្នុងសហរដ្ឋអាមេរិក។ ទិដ្ឋាការ IR-5 មិនមានចំនួនកំណត់ប្រចាំឆ្នាំទេ។
លក្ខខណ្ឌតម្រូវសម្រាប់ទិដ្ឋាការ IR-5
កូនដែលធានាឪពុកម្តាយ ត្រូវតែបំពេញតាមលក្ខខណ្ឌតម្រូវជាក់លាក់ផងដែរ៖
• កូនត្រូវតែមានអាយុយ៉ាងតិច 21 ឆ្នាំ ដើម្បីមានសិទ្ធិធានាឪពុកម្តាយរបស់ខ្លួន។
• កូនក៏ត្រូវតែអាចផ្គត់ផ្គង់ផ្នែកហិរញ្ញវត្ថុដល់មាតាបិតាបានរហូតដល់មាតាបិតាអាចចាប់ផ្តើមធ្វើការដោយស្របច្បាប់នៅក្នុងសហរដ្ឋអាមេរិក។
• កូនត្រូវដាក់ឯកសារអំពីស្ថានភាពហិរញ្ញវត្ថុរបស់ខ្លួនដើម្បីបញ្ជាក់ថា កូនអាចថែទាំឪពុកម្តាយរបស់ខ្លួនដោយមិនបង្កបន្ទុកហិរញ្ញវត្ថុដល់សហរដ្ឋអាមេរិក។
• បច្ចុប្បន្ន កូនត្រូវតែកំពុងរស់នៅ និងមានអាសយដ្ឋានក្នុងសហរដ្ឋអាមេរិកត្រឹមត្រូវ។
• ឪពុកម្តាយខ្មែរត្រូវដាក់ពាក្យសុំទិដ្ឋាការ IR-5 ពីប្រទេសខ្មែរ។ ប្រសិនបើឪពុកម្តាយរបស់អ្នកថិតនៅក្នុងសហរដ្ឋអាមេរិករួចហើយ ពួកគេគ្រាន់តែដាក់ពាក្យស្នើសុំការកែតម្រូវស្ថានភាពជំនួសវិញ។
ឯកសារតម្រូវ
• សំបុត្រកំណើតរបស់កូនដែលមានឈ្មោះឪពុកម្តាយខ្លួន
• សំបុត្ររៀបការឪពុកម្តាយខ្លួន
• លិខិតឆ្លងដែនឪពុកម្តាយ សុពលភាពលើសពី ៦ខែ
• រូបថតពណ៌ ២ សន្លឹក
• លិខិតថ្កោលទោសមុនពេលសម្ភាសន៍នៅស្ថានទូតអាមេរិក
• លិខិតពិនិត្យសុខភាព
ដំណាក់កាលទី ១៖ រៀបចំឯកសារធានាឪពុកម្ដាយ
• វិញ្ញាបនបត្របញ្ជាក់ពីការចូលសញ្ជាតិអាមេរិកាំង
• បំពេញទម្រង់ I-130 ជាពាក្យសុំធានាដែលត្រូវបំពេញពាក្យពីរដងសម្រាប់ឪពុក និងម្ដាយ
• លិខិតបញ្ជាក់ពីការដូរឈ្មោះប្រសិនបើកូននៅសហរដ្ឋអាមេរិកគាត់បានដូរឈ្មោះនៅពេលដែលគាត់ចូលសញ្ជាតិ
• សំបុត្រកំណើតរបស់កូនដែលមានឈ្មោះឪពុកម្ដាយទាំងពីរនាក់
• ប្រសិនបើកូននៅអាមេរិកមានគ្រួសារត្រូវមានលិខិតចុះបញ្ជីគ្រួសារ។ បើគាត់នៅលីវមិនបាច់ទេ។
• សំបុត្រអាពាហ៍ពិពាហ៍របស់ឪពុកម្តាយ
• បើគាត់លែងលះត្រូវដាក់សំបុត្រលែងលះ
• បើភរិយា ឬប្ដីរបស់គាត់មរណៈ ត្រូវដាក់សំបុត្របញ្ជាក់មរណៈភាព
ដំណាក់កាលទី ២៖ ការិយាល័យអន្តោប្រវេសន៍ និងសញ្ជាតិអាមេរិកាំង USCIS
• បញ្ជូនឯកសារទៅឲ្យការិយាល័យអន្តោប្រវេសន៍ និងសញ្ជាតិអាមេរិក
• បង់លុយ $535 សម្រាប់ពាក្យធានាមួយ
• ការិយាល័យអន្តោប្រវេសន៍ ត្រួតពិនិត្យដោះស្រាយលើសំណុំរឿង
• ការិយាល័យអន្តោប្រវេសន៍អនុម័តលើសំណុំរឿង ហើយបញ្ជូនវាទៅមជ្ឈមណ្ឌលទិដ្ឋាការជាតិ
ដំណាក់កាលទី ៣៖ មជ្ឈមណ្ឌលទិដ្ឋាការជាតិ NVC
• ក្រោយពេលឯកសារបញ្ជូនមកហើយ មជ្ឈមណ្ឌលទិដ្ឋាការជាតិគេនឹងពិនិត្យហើយគេនឹងទាក់ទងលោកអ្នក
• ដាក់ឯកសារបន្ថែមរួមមាន បង្កាន់ដៃបង់ពន្ធ ក្នុងឆ្នាំចុងក្រោយបំផុត
• សែកបើកប្រាក់ខែបីខែចុងក្រោយជាប់គ្នា បំពេញពាក្យធានារ៉ាប់រងលើផ្នែកហិរញ្ញវត្ថុ I-864
• ប្រសិនបើលោកអ្នកធ្វើអាជីវកម្មត្រូវដាក់ច្បាប់ថតចម្លងធ្វើអាជីកម្មបើមាន។
• បើកូននៅអាមេរិករៀបការមានគ្រួសារ ត្រូវដាក់សំបុត្រអាពាហ៍ពិពាហ៍ចូល
ដំណាក់កាលទី ៤៖ សម្ភាសន៍នៅស្ថានទូតខ្មែរ
• ឪពុកម្ដាយត្រូវបំពេញទម្រង់ DS-260
• ថ្លៃសម្ភាសន៍ $325 សម្រាប់ពាក្យមួយ បើធានាម្ដាយនិងឪពុកត្រូវគុណនឹងពីរ
• ចំណែកឯពាក្យធានាលើផ្នែកហិរញ្ញវត្ថុគឺបង់ $120
• ឯកសារឪពុកម្ដាយនៅស្រុកខ្មែរត្រូវមាន
o ច្បាប់ថតចម្លងសំបុត្រកំណើត
o សំបុត្រអាពាហ៍ពិពាហ៍
o លិខិតលែងលះ ឬលិខិតមរណៈភាព
o លិខិតឆ្លងដែន រូបថតខ្នាត ៥×៥ cm
o លិខិតថ្កោលទោស
o រយៈពេលរងចាំពី ៤ ទៅ ៦ខែ ទើបមានលទ្ធិផលចូលសម្ភាសន៍ ឬបដិសេធ
o លិខិតចូលសម្ភាសន៍
o ពិនិត្យសុខភាព ចាក់ថ្នាំបង្ការជម្ងឺផ្សេងៗ
