Permanent Residency

EB-3 ជាភាសាអង់គ្លេសមានន័យថា Employment-Based Category ត្រូវបានបង្កើតឡើងនៅឆ្នាំ ១៩៩០ ហើយវាមាន ៣ប្រភេទ។ EB-3 Unskilled ជាកម្មវិធីសម្រាប់អ្នកដែលគ្មានជំនាញ គ្មានបទពិសោធន៍ ជាកម្មវិធីទិដ្ឋាការសម្រាប់ការរស់នៅអាមេរិកទាំងគ្រួសារ​ ។

ហេតុអ្វីត្រូវការបង្កើតកម្មវិធីនេះឡើង?

ដោយសារនៅអាមេរិកក្រុមហ៊ុនឬរោងចក្រជាច្រើនមានការលំបាកក្នុងការស្វែងរកអ្នកធ្វើការជាជនជាតិអាមេរិក ដោយសារជនជាតិអាមេរិកភាគច្រើនពួកគាត់មិនចង់ធ្វើការជាកម្មករ ឬគ្មានជំនាញ ឬក៏ធ្វើការកន្លែងដែលនៅឆ្ងាយ ឬក៏ធ្វើការកន្លែងដែលត្រជាក់នោះទេ។ ដូច្នេះ សភាអាមេរិកបានអនុញ្ញាតឲ្យអ្នកធ្វើការដែរជាជនជាតិបរទេសដែលគ្មានជំនាញ ឬបទពិសោធន៍ ចំនួន ១ម៉ឺននាក់ក្នុង ១ឆ្នាំ ឲ្យមកធ្វើការនៅអាមេរិក ហើយកម្មវិធីនេះស្របច្បាប់ មិនមែនជាកម្មវិធីបោកប្រាស់ទេ ហើយតាមរយះកម្មវិធីនេះអ្នកដាក់ពាក្យ អាចជាជនជាតិបរទេស ឬជនជាតិណាក៏ដោយ គ្រាន់តែជនជាតិខ្លះត្រូវការចំណាយពេលយូរទើបទទួលបាន GREEN CARD ដូចជាជនជាតិចិន ឥណ្ឌានិងហ្វីលីពីន។ អ្នកដាក់ពាក្យតាមកម្មវិធីនេះពេលបានជោគជ័យគាត់ទទួលបាន GREEN CARD ១០ឆ្នាំទាំងអស់គ្នា ប្ដី ប្រពន្ធ កូនៗទាំងអស់ តែកូនអាយុមិនឲ្យលើសពី ២១ឆ្នាំទេ ហើយដើម្បីដាក់ពាក្យមកកាន់កម្មវិធីនេះបាន បងប្អូនដាច់ខាតត្រូវតែមានក្រុមហ៊ុន ឬរោងចក្រធានាយើង ហើយនិងមានមេធាវីជួយយើងក្នុងដំណើរការដាក់ពាក្យ។ ក្រោយធ្វើការបាន ១ឆ្នាំ ឬ២ឆ្នាំ ឬ៣ឆ្នាំ អាចផ្លាស់រដ្ឋ ឬផ្លាស់រោងចក្រ ឬផ្លាស់ក្រុមហ៊ុនដែលធានាបងប្អូន ទៅធ្វើការនៅកន្លែងផ្សេងបាន។​